Міжнародны дзень роднай мовы

            Родная мова, цудоўная мова!

                                                                                                       нашых думак уток і аснова!

                                                                                                    Матчын дарунак ад самай калыскі,

                                                                                                    ты самацветаў яскравая нізка.

                                                                                                                            Уладзімір Дубоўка

Міжнародны дзень роднай мовы заснаваны ў 1999 годзе рашэннем Генеральнай сесіі ЮНЕСКА і штогод адзначаецца 21 лютага. Галоўная яго мэта – захаванне моўнай і культурнай разнастайнасці ў свеце, падтрыманне нацыянальных моў і культур, а таксама забеспячэнне права кожнага грамадзяніна карыстацца роднай мовай.

Дзень роднай мовы асаблівы для кожнай нацыі, кожнага народа, бо няма народа без мовы, няма мовы без яе носьбіта.

У нашай установе адукацыі шырока святкуецца Міжнародны дзень роднай мовы. Ніхто з вучняў не застаўся па-за удзелам мерапрыемстваў. Праведзены разнастайныя інтэлектуальныя гульні, конкурсы, інфармацыйныя гадзіны, квэст-гульні, конкурсы чытальнікаў сярод вучняў і настаўнікаў. Вучні старэйшых класаў, настаўнікі, бацькоўская грамадскасць прынялі ўдзел у Гродзенскім абласным дыктанце “Сімвал бязмерных выпрабаванняў беларусаў” да 80-годдзя вызвалення Беларусі ад нямецка-фашысцкіх захопнікаў.