Тры крокі для паступлення ў ВНУ

У Міністэрстве адукацыі распавялі пра тры крокі для паступлення ва ўстанову вышэйшай адукацыі, паведамляе  БЕЛТА.

Для пачатку абітурыентам 2023 года прапануецца перайсці на сайт Міністэрства адукацыі, у раздзел "Абітурыенту 2023". Далей трэба выбраць установу вышэйшай адукацыі, спецыяльнасць і зарэгістравацца ў асабістым кабінеце. З пытаннямі, якія ўзніклі, можна звярнуцца ў прыёмную камісію ВНУ. Апошні крок - паспяхова здаць цэнтралізаваны іспыт і цэнтралізаванае тэсціраванне і стаць студэнтам.

Пры гэтым трэба памятаць аб асноўных датах ЦЭ: 14 мая - беларуская або руская мова, 21 мая - вучэбны прадмет па выбары вучня. Асноўныя перыяды ЦТ: з 10 мая па 1 чэрвеня - рэгістрацыя, з 14 чэрвеня па 4 ліпеня - асноўныя даты правядзення ЦТ, рэзервовымі днямі вызначаны 11, 13 і 15 ліпеня.

Источник: https://rgazeta.by